Detaje të reja kanë dalë në dritë nga vrasja në Prizren, ku viktimë mbeti 31-vjeçari Visart Cengu nga Kukësi.
Mediat kosovare bëjnë me dije se motiv i ngjarjes të rëndë është bërë borxhi prej 400 euro, që viktima bashkë me dy shokët e tij kishte në lokalin e autorit Dibran Hoxhajt.
Mësohet se të rinjtë nuk kanë pranuar të paguanin faturën prej 400 eurove që stafi i lokalit kishte lëshuar për dy të rinjtë, ku fillimisht patën një debat me stafin dhe klientët e tjerë ndërsa nisën të gjuajnë me shishe e të thyejnë tavolinat duke shkaktuar tension.
Në momentin që kanë dalë nga lokali, pronari Dibran Hoxhaj ka qëlluar me armë zjarri duke lënë të vdekur Visart Cengun dhe duke plagosur shokun e tij.
Pas ngjarjes, policia ka arrestuar autorin Dibran Hoxha dhe ka shoqëruar disa të tjerë.